簡單3步搵出最合適Big Day化妝師!

結婚係人生大事,每個女仔一生最重要嘅一日,不過大部份新娘都係第一次搵化妝師度身訂造妝容,事前準備不足會好影響當日效果架,咁搵新娘化妝有咩需要注意呢?

 

做足Research!

如果冇熟悉或者朋友推介嘅化妝師,大家當然可以去不同婚姻資訊平台搵啦,仲可以即時睇到先前客人評價同口碑添。不過最重要都係留意化妝師Portfolio,每個人喜好都唔同,揀選出自己喜愛嘅妝容風格。建議盡量搵Portfolio較多嘅化妝師,表現會比較穩定,揀啱就可以加入試妝之列。

 

預約試妝

第二步係最重要一環,有年資嘅化妝師一般都會收取試妝費用,不過試妝都係必要架!因為Portfolio都有機會經修圖,並唔等同實際效果,而且提早磨合,可以更加了解大家需要,仲可以試多幾個造型添。最後新娘要留意試妝日期,因為吉日、旺季等檔期新娘化妝師都會特別忙,記得提早預約啊。

 

留意收費形式

滿意試妝效果後,就可以落訂Book期喇,注意訂金只係作預留檔期嘅費用,一般化妝費都係婚禮當日俾。即使係熟悉或朋友介紹嘅化妝師,大家都需要簽訂合同,列明套餐包含嘅化妝、換妝同補妝次數、超時收費計算方法等,傾清楚細節,萬一有咩問題都有依據解決啦~

 

Big Day妝前小準備

比多個小貼士大家啦,Big Day當日等候化妝師嚟之前,可以有咩做呢?新娘不妨敷個Mask滋潤一下,有助妝容更貼服架!肌美精緊緻收斂滲透黑面膜採用天然黑炭面膜布,可以吸出毛孔污垢同過多皮脂,先淨化肌膚,配合緊緻毛孔精華同日本溫泉礦物質,保濕同時收緊毛孔,幫你輕鬆顯示出最亮麗妝容!