返工之後，同同事見面仲見得多過屋企人，若果大家做嘢唔夾會好辛苦，但如果遇到好同事就真係好幸福喇！不過，同事相處之間仲有好多嘢要留意㗎，尤其是以下呢幾個「職場禁忌」反而幾熟都唔可以傾，否則只會傷感情！
「你揾幾多人工啊 ?」
同事之間，人工係永遠不能觸碰嘅話題。一旦知道彼此嘅人工有幾多，有機會引發矛盾。對於每個人薪金唔同，老闆有佢嘅準則，但係一定會有同事認為自己付出得更多，點解自己唔係拎高啲嘅人工。免得有比較，呢啲錢財話題都係唔講好過講！
「唉我想轉工啊…」
喺職場路上有總會有想辭職或者轉工嘅諗法，但係呢啲話題最好都係搵公司以外嘅朋友傾。如果比同事知道你有想轉工嘅念頭，人哋都未必想同你傾公事，因為佢哋會覺得你遲早都會走。如果想轉工，最後搵唔到留返喺公司就尷尬啦！
「喂，你有冇聽講呢…」
以為同同事熟就可以講下是非？公司八掛是非嘢唔好隨便亂咁講，免得對方覺得你係是非精反而同你疏遠你。而且被貼上標籤，自己係公司嘅聲譽都會受影響。如果真係好想傾下八掛，最好都係搵個信得過嘅同事。
小心駛得萬年船，同事之間幾friend都好，一講中上面啲禁忌話題就返唔到轉頭喇～要傾得開心，都係搵返啲安全話題好過～傾扮靚心得實冇問題啦！試下用肌美精超滲透立體面膜，3D剪裁加超濃精華，為肌膚瞬間補水，第日皮膚靚到同事都實好有興趣你用梗咩mask姐！