第一次約會仲未好了解對方，所以驚驚青青唔識搵話題？其實第一次最重要係增加雙方嘅好感，所以講嘅話題唔洗太Deep㗎，搵啲輕輕鬆鬆又有趣嘅做開始，講啲日常生活化嘅話題，咁就好容易可以晉升為貼地好女友㗎啦！
熱門電視劇集：美劇
唔好以為男仔就唔煲劇啊，煲起上嚟可能仲癲過你！不過當然男仔就通常唔多睇韓劇，所以不妨同佢傾下美劇，如果你冇睇開？咁就上Netfilx揀套自己都有興趣嘅，到時傾下劇情就唔怕冇話題啦！如果咁好彩佢冇睇開，咁咪講下愛回家囉，都係熱門電視劇集，呢個佢一定有睇嘅！
童年回憶：卡通片
講完依家嘅電視劇集，可以轉去講下以前嘅電視節目，細個睇嘅卡通片！卡通片係大家嘅童年回憶啊，講到出嚟一定好有共嗚！例如櫻桃小丸子都已經有十幾個同學俾你慢慢討論，再唔係可以講埋火影忍者、海賊王，加埋成千集一定冇Dead air啦！
運動體育：足球籃球通殺
大部分男人都係體育迷，而通常女仔都甚少有興趣。如果本身都識少少或者睇開，咁你就絕對加晒分喇，對方仲會覺得你好特別！不過如果自己唔熟悉，就最好避免傾到呢個話題喇。
打機：你今日食咗雞未？
依家男仔定女仔都一樣鍾意打機，想做個貼地女友？問下佢玩開咩交流下，咁啱打開同一隻Game嘅就可以即刻一齊打返場！唔一樣嘅？邀請佢同你一齊打，由戰友開始做起，仲日日有話題添！
餐廳：你哋食緊嘅嘢
就地取材，如果你地咁啱食緊飯，咁就講下你地食緊嘅嘢啦！好唔好食、貴唔貴、自己平時鍾意食乜、邊到有好嘢食……食飯大過天，呢個話題實無死，仲可以順便約埋下次一齊去食添！
香港人最熱衷嘅事：旅遊
世界已經冇嘢可以阻止到香港人去旅遊喇！同對方分享下最愛或者最難忘嘅旅遊點，呢啲經驗已經足夠分享成日，旅遊嘅一點一滴仲可以令大家更加了解對方嘅價值觀，好似飲食喜好、文化價值觀等等，留低深刻印象。
講開旅遊，肌美精嘅超滲透3D面膜，一直都係姊妹們去日本血拼嘅必買手信之一嚟架！唔少注重保養嘅男仔都有敷面膜嘅習慣，不妨同佢分享下你嘅美白絕技啦！肌美精超滲透3D美白立體面膜採用真．3D立體剪裁，任何男女面形都適合使用，有助精華完全滲透至皮膚，配合高純度維他命C、膠原蛋白及蜂王漿精華，有效去黃去暗啞，抑制黑色素形成，令肌膚美白水潤，宜家香港都買到㗎！