日本嘅森林系穿搭風格，其實同時下大熱嘅文青風好相似，同樣行小清新路線，不過森林系穿搭更講求自然，親和力更高架！一齊學做森女，融化男生內心啦！
色系：大地色系
森女穿搭以大地色系為主，顧名思義就係接近泥土、大地嘅顏色，帶出自然、純樸嘅感覺！顏色包括啡色、米色、卡其色、綠色、白色、藍色等。
材質：雪紡、棉麻
雪紡同棉麻嘅重點係可以帶出飄逸質感，仙氣感Up！所以森女會避免著厚重嘅材質，冬季就會選擇多層混搭，同樣係特色之一嚟架！
花紋：格仔、碎花、民族風
花紋方面，碎花、民族風都充滿大自然感覺，同時令顏色更豐富，如果想增添少量現代感可以選擇格仔。
單品：長裙、長襪、啡色靴
最後講解三款森林系女孩必備單品啦！長裙可以營造獨特飄逸感，所以幾乎係森女出街必著，想著褲子的話，森女會避色著牛仔褲，而選擇襪褲或長襪，再配合一對啡色Boot，就係森女穿搭鐵三角啦~
除咗穿搭之外，要成為一個真正嘅森林系女孩，當然仲有佢嘅內在特質啦！喜愛自然、祟尚自然，敷面膜要揀肌美精緊緻收斂滲透黑面膜，蘊含日本出雲溫泉精華同天然保濕因子神經醯胺，而且無香料及色素，配合天然黑炭面膜布，抗老保濕同時可以緊緻毛孔，最啱森女們簡單鬆一鬆！