呢個年代大家都咁多選擇，初次約會，往往掌握大家以後發展嘅可能性，咁多位sis唔想白白浪費同男神發展嘅機會，就要留意呢4個小心機喇！
小心機1：俾啲Guideline對方
以出街食飯為例，男仔少不免都會先問你意見，「你想食啲咩，日本嘢？」，好多女仔會選擇答冇所謂，但其實好容易令對方覺得你冷淡。不妨表達多啲自己想法，「我想食西餐，但唔需要太飽嘅！」，男方有方向之餘，仲可以更加了解你喜好。
小心機2：緊緊直視男生雙眼！
唔係叫你瞪大眼望實對方啊！傾計時最好報以微笑，以友善嘅目光注視佢雙眼，令男仔覺得你對佢講緊嘅話題好感興趣，仲好專心聽緊佢講嘢，咁男人就自自然然會感到興奮，怕羞仔分分鐘仲俾你搞到心跳加速添~
小心機3：加一句：「咁你呢？」
答完對方嘅問題之後，最好俾男方分享一下自己嘅睇法，因為通常佢問你嘅話題，好多時同樣係佢自己有興趣分享嘅。唔好睇少簡單一句呀，可以減少Dead air之餘，仲可以增加兩個人互動！
除咗上面嘅心理戰術，約會時嘅外觀當然都好重要啦，小編就喺上圖整理咗幾點再比大家參考下。你可能會問，光滑肌膚好難一時三刻做到喎？都係架！所以就靠大家平時保養喇，由其女仔最重視塊面，記得努力敷肌美精超滲透3D抗皺保濕立體面膜。蘊含足足30ml濃厚保濕美容液，將豐富保濕及營養成分滲透入皮膚，提高肌膚新陳代謝能力，有效預防皺紋同表情紋形成，就算幾近睇都冇紋喇！