運動對身體好處多多已經人人都知啦，但原來仲可以好有系統咁「由內到外」全面改善皮膚膚質！等小編同姊妹們全方位詳細分析下啦！
自然清潔毛孔
講到清潔毛孔，好多姊妹都會怕坊間深層清潔產品會刺激皮膚，但原來毛孔都有自己一套自然「排毒」嘅方式嫁，而運動對皮膚最基本好處就係清潔毛孔喇！運動之後毛孔會自然擴張散熱同排汗，當中會連帶將皮膚表面細菌同多餘油脂一齊帶走。所以做完運動之後記得要洗面，徹底清潔皮膚，避免反而形成暗瘡，咁皮膚自然時時刻刻都咁乾淨啦！
降低老化速度
有大學研究報告指，每星期做3個鐘以上運動，可以令血液中嘅含氧量增加，改善心肺功能同抗氧化機能。做持久嘅帶氧運動，更加可以消滅自由基，阻止自由基分解皮膚中嘅骨膠原，令肌膚可以保持年輕，又效延遲肌膚老化。
改善水腫問題
「我唔係肥，只係水腫咋！」好多女仔每朝起身照鏡，見到嘅唔係眼腫就係「包包面」，嚴重起上嚟真係連褲都覺得窄咗！與其等慢慢消腫，不如把握時間做運動，身體會自然咁刺激淋巴循環，多活動水腫部位，可以促進身體水分代謝同加速血液循環，帶走身體多餘水份，令面部至全身肌膚都更緊緻。
至於點樣測試自己有冇水腫同水腫程度呢？大家可以試下按壓水腫部位，輕微凹陷並即刻恢復就代表程度輕微，凹陷深度愈深、復原時間愈耐同白印愈明顯就代表水腫程度愈嚴重喇！
改善暗瘡等炎症問題
有冇試過生活壓力大嗰排，皮膚特別差呢？其實同「壓力荷爾蒙」皮質醇有關，皮質醇可以幫助我哋作出迅速反應，但過多就會造成內分泌失調、皮膚出油同破壞膠原蛋白，好容易令皮膚出現粒粒或者暗瘡！運動就可以有助減壓，分泌內啡肽幫助調整情緒、提高身體免疫力、減少暗瘡等炎症發生問題。
如果你平日工作忙又壓力大，就要悉心照顧肌膚，預防痘痘同粉刺出現。唔少女生認為出痘痘就唔可以敷面膜，其實只要揀含有除痘印成分維他命C、抗痘兼消炎嘅甘草甜素酸2K，及具抗氧化功效嘅活性成分兒茶素和多酚類物質嘅mask，就可以鎮定同美白皮膚，做到全效修護兼對抗痘痘，仲可以預防重複性成人痘及痘疤呀！大家可以選擇敷肌美精粉刺護理保濕滲透面膜AD，專門為「成人痘痘」人士而設。呢款面膜含有豐富的抗氧化活性成分兒茶素和多酚類物質，具鎮定美白效果，甘草甜素酸2K具有消炎作用，同時防止炎症如粉刺和皮膚粗糙，採用紙漿和人造絲面膜紙，柔軟並具有伸縮性的大張面膜紙能完全覆蓋到全面。保濕精華經特別調配，無香料、無色素，唔會塞住毛孔，加上含有抗痘痘成分甘草酸同淡印成份維他命C，有效平衡油脂分泌同幫助減淡黑印，呵護及預防暗瘡粉刺肌膚~