返工好同事難求，但乞人憎嘅同事反而好易遇到，除咗忙公司事，仲要應對佢哋嘅難頂行為！留意以下幾個壞習慣，為自己、為同事，都係盡量唔好做喇！
自信爆晒棚，咩都懶叻
有啲同事最鍾意咩都認叻，以為自己咩都識，當公司所有功勞都係佢嘅；亦有啲同事自恃靚女，當男同事幫忙係老奉。大家都為公司付出，同事嘅幫忙都唔係理所當然。過份自信、甚至係自大都係討人厭嘅特點！
當Office係自己屋企
對公司太有歸屬感，當咗office係自己屋企？有同事真係會喺office同啲三姑六婆煲電話粥、剪指甲、化妝，甚至係到敷mask！其實office係工作嘅地方，為免影響同事，呢啲行為都係喺自己屋企做會好啲喇～
負能量爆燈，成日抱怨
有種同事成日分享好多諗法，係負面嘅諗法，例如覺得好多嘢做好煩、又好易唔開心。但經常散發住負能量對同事或者團隊都有壞影響，長遠亦會影響士氣。樂觀啲，大家都開心啲！
通常有上述問題嘅人都未必察覺到自己嘅行為乞人憎，但係如果留意到自己有呢啲壞習慣就要改善喇～避開以上壞習慣，唔討人厭對工作都有正面影響㗎！想敷mask，唔洗喺公司敷嘅！喺屋企敷返個肌美精超滲透面膜，立體剪裁幫你肌膚全方位補水，由外靚到內，人緣一定爆燈！