見到男神，緊係好想約佢出街啦！偏偏佢又冇主動開口，到底女仔應唔應該主動出擊呢？好多姊妹們都遇過呢個問題，其實只要約得有技巧，成功率提升之餘仲問得輕鬆自然添！
邀約方法一：報答對方
無論女仔約男仔，抑或男仔約女仔，想成功約對方，重點在於唔好太有「目的」！試諗下如果一嚟就好似相體咁，好易令對方有壓力，嚇走對方架。第一個技巧，可以先請求對方幫你做啲事，例如係詢問工作上嘅意見、幫助生活上嘅鎖事咁，然後就可以好順理成章地請男仔食飯，「報答」佢喇！
邀約方法二：投其所好
橋唔怕舊！先清楚了解對方有啲咩嗜好，然後有意無意間向佢表示你都有興趣，再大方主動邀約。不過記得千祈唔好盲目附和，如果對方嘅興趣你完全唔鍾意，甚至討厭，勉強約會只會令人覺得你有古怪。
邀約方法三：偶然法
「朋友啱啱甩底，多咗張戲飛。」、「啱啱買咗部新相機，想搵人一齊試下」……總之去邊都好，剛剛好空出一個位，就問下對方嚟唔嚟啦！
邀約方法四：打賭法
適合鍾意互相鬥嘴，比較Close嘅關係。「我估你聽日一定遲到，敢唔敢賭呀？輸咗請食飯！」其實邊個請有咩所謂，可以單獨食飯就得喇！
邀約方法五：團體活動
如果真係怕唔知點開口，以「多啲人玩開心啲」為由，約對方唱K、生日Party、行山等活動就啱晒喇。可以製造多啲相見嘅機會，下次再單獨約會啦！
睇到呢到，大家諗到點開口未呢？最近肌美精嘅水潤彈滑3D立體面膜推出咗限定$89八片裝優惠 (標準價：$136)，高濃度透明質酸配方配合真．3D立體剪裁，有效幫肌膚持久保濕。「我樓下嗰間啱啱冇晒貨喇！你經過可唔可以幫我買呀？最多請返你飲杯嘢喇！」