唔少女仔都對「三字頭」有啲恐懼，好似已經同皮膚衰老、冇彈性、皺紋扯上關係。其實呢個係每個人都會經歷嘅階段，想keep住皮膚時刻光滑，抗衰老？就要試下以下5種食物，令你愈食愈young！
三文魚
去食日本嘢點可以唔嗌魚生，三文魚一定係首選啦！三文魚有豐富嘅不飽和脂肪酸omega-3，有助皮膚鎖住水分、滋潤皮膚、淡化細紋斑點，令皮膚時刻保持年輕狀態！三文魚好味又對皮膚好，無可挑剔！
黑朱古力
一聽到朱古力，好多女仔都覺得好肥，其實唔係㗎！黑朱古力入面有可可嘅脂肪，有助促進血液循環，令皮膚更加光滑同柔軟！可可脂入面仲有黃酮醇，含抗氧化同抗發炎嘅特性。食朱古力個人都會開心啲啦，心情好皮膚都靚啲！
豆腐
想皮膚好似豆腐咁白雪雪？就梗係要食豆腐啦，以形補形吖嘛！豆腐有優質嘅蛋白質，有助皮膚組織修復同形成。加上豆腐有調節雌激素嘅功效，有助平衡皮膚脂肪同水分，皮膚自然水嫩白滑！
蕃茄
成日都聽到蕃茄有抗氧化功效，點解？因為有茄紅素，其抗氧化能力係維他命C嘅20倍！茄紅素仲可以保護皮膚膠原蛋白，有助撫平皺紋！不過要留意喎，生同熟蕃茄各有唔同功效㗎，人體較易吸收熟蕃茄嘅茄紅素；而未熟嘅蕃茄就含有多啲水溶性纖維同維他命C。
士多啤梨
士多啤梨有維他命C有助促進膠原蛋白增生，令皮膚變得光滑有彈性！如果你鍾意將士多啤梨溝yogurt食，最好就成粒食，唔好切粒啊，咁士多啤梨成份就唔會影響吸收yogurt入面嘅鈣質！
想由內「靚返出嚟」？就要試下以上5種逆齡美肌食物喇！由水果、甜食到海鮮都有，總有一款幫到你！不過依家夏天，出入冷氣地方，皮膚好易乾，記得敷返個肌美精乾燥小紋立體面膜，為肌膚補充水分，仲係3D貼面設計，真係好掂！乾紋少咗，望落都後生幾年啦！記得去SASA同LOG ON入貨啦～～