成為衣著達人！穿出5種身材完美比例

做女仔，總係覺得自己天生唔夠完美。所以就要靠後天努力，增加時尚觸覺！日本大熱身材分類法簡單用英文字母就可以幫大家將身材分類，記住自己身材再睇點襯衫啦！

A型身材
身型比例：同字母形狀一樣，A型身材女仔上身比較窄，而下臀同大腿就較豐滿。
建議穿搭：要令身材比例睇起嚟更加均勻，上身可以多著材質硬挺寬鬆嘅衫，例如裇衫或者衛衣等，下身就可以揀最近大熱嘅闊腳褲或長裙，收起臀部同大腿線條！

X型身材
身型比例：擁有豐滿嘅胸型同臀部，但同時又有小蠻腰，係當今最令人羨慕嘅身型！
建議穿搭：避免著鬆身衫，緊身連身裙可以完美呈現凹凸有致嘅身材，X型身材重點在於突出腰部線條，令上圍同下身比例更明顯，所以A字裙或者緊身褲都適合。

擁有完美身材嘅你唔好自滿呀，學識著衫仲要學識保養塊面，肌美精低敏高效保濕面膜含天然植物性保濕成分及透明質酸，為面部鎖水保濕，專利海洋性胎盤®，更加可以修復肌理、紓緩泛紅，仲係無添加配方，通過多項敏感測試，遠離有害成分，幫你時刻以最佳狀態示人！

O型身材
身型比例：上身下身比例平均，不過腰部脂肪比較多，圓潤突出。
建議穿搭：秘訣在於隱藏腰腹，例如傘狀上衣就可以啱啱好遮住肚腩子，下身就可以著短褲露出雪白長腿！另外大家仲可以揀著雪紡材質嘅裙，輕盈嘅飄逸感一樣可以隱藏腰腹！

V型身材
身型比例：同A字母相反，V型身材女仔上身較豐滿，而下身纖瘦。
建議穿搭：避免著一字膊或者背心帶等露出肩膀線條嘅衫，可以穿上深色系長袖衫遮住手臂，下身配搭緊身長褲，拉長身型。

I型身材
身型比例：四肢纖細、通常比較高。胸部、臀部同腰線都唔明顯，身型呈一直線。
建議穿搭：應該集中製造腰部線條，A字裙或者配襯腰帶係必備良品。另外，高佻瘦削其實係模特兒常見嘅身型，非常適合穿上長外套，纖幼嘅四肢與長外套形成對比，可以拼出獨有嘅型格感覺！

天生女性身型特徵唔明顯嘅你，靠努力一樣可以發掘屬於自己嘅路線！同肌美精低敏透亮保濕面膜一樣，專為天生有敏感肌、乾燥肌嘅女仔而設，無添加7大致敏成分，主要成分係天然薏仁、大豆籽精華，由底層開始去黃補水，令肌膚透透亮嫩滑，係少數嘅低敏亮白面膜，任何女生都一樣可以追求美麗！