現代都市生活咁忙，實在太多因素會影響皮膚狀態！坐Office怕太大冷氣抽乾皮膚水份，出街又怕街上塵埃同猛烈陽光。唔通真係唔返工唔應酬，淨係等白馬王子出現咩？保養皮膚係現代女生嘅終生事業！教你揀一個適合嘅面膜作為親密戰友啦！
仔細留意成份表
揀面膜第一步就要留意面膜上面嘅成份表啦，話晒敷上面，點可以怕麻煩架！作為精明嘅女生，要留意面膜會唔會包含一啲容易引致皮膚敏感嘅成分，例如人造香料、色素、酒精同化學防腐劑等。萬一出現敏感時，就可以避免再揀到含有該成份嘅面膜喇。
揀選精華液充足嘅面膜
第二就要留意面膜精華液嘅多少，如果精華液唔夠多，敷敷下變乾時，有機會倒吸皮膚水份反而令皮膚變乾架！肌美精超滲透3D面膜就含有足足30mL精華，敷極都仲有貨~
選擇高貼服能力
面膜再多充足嘅精華都要靠緊貼皮膚，先可以成功吸收到架。肌美精超滲透3D面膜採用真．3D立體剪裁，額頭、鼻翼同下巴等超難貼服部位都照顧得到，任何面形都適合。與其晒時間敷一次半桶水嘅Mask，不如嚟個真正嘅全方位保養啦！
*活用小貼士：肌美精超滲透3D面膜緊貼力強，就算戴住做簡單運動或者家務都唔會甩，啱晒忙碌嘅女生活用時間！
性價比高好重要！
現實啲，價錢當然係揀面膜一個好重要嘅因素啦！坊間唔少面膜都有出色嘅效果，不過就價格參次，搵到效果再好嘅面膜，但如果價錢偏貴嘅話花費認真唔少！而肌美精面膜就一向被讚譽性價比極高，留返啲錢打扮，出街應酬都好緊要架嘛。
效果持久嘅面膜先係王道！
最後最後最需要留意嘅就係效果持久力喇！通常啱啱敷完面膜果吓，皮膚都會好水潤，但係可唔可以Keep足全日，甚至到咗第二日都仲咁水潤就考面膜功夫。
平時工作、化咗妝，甚至同朋友玩到通宵達旦都唔可能突然拎塊面膜出嚟敷架嘛！好多時都要返到屋企先方便。肌美精面膜就特別加入天然成分檸檬酸及蜂王漿等成份，可以提高角質層吸收能力，令精華都浸透到肌底，將保濕、美白同抗皺效果嘅持久力大大提升，效果keep足幾日，平時太忙一時唔記得敷面膜，都唔怕即時失去保護啦！