敷個靚Mask、化埋靚妝，諗住今次去旅行，就一定可以影返輯靚相啦……點知同行嗰位神拍攝技術，直頭將你影出鏡頭外！到底有咩簡單構圖技巧可以令豬隊友快速上手呢？
簡單化
好多男仔以為影晒所有物件或者背景，畫面自然好豐富，但攝影都講重點，否則就會令相片失去主題！如果你嘅另一半有呢個問題，記得提醒佢「簡單就是美」，簡約嘅背景先可以突顯靚樣架嘛！
三分法
攝影構圖嘅黃金法則，亦係必學嘅入門構圖方法。大部份相機同手機都擁有三分法嘅格線功能，將畫面水平及垂直各劃分三條線，各線會形成交叉點，影相時只要將主體放喺交叉點上就可以喇！
框架式
即係利用附近嘅景物為主體增添一個框架前景，包圍主體影像。例如窗框、門框等都係常見嘅框架前景，叫另一半好好利用呢個「相框」，影出嚟嘅人像就會靚好多~
引導線
引導線唔一定係直線，S形線或者弧形線等都可以，引導睇相片嘅人搵出相片焦點，突出主體。例如道路、欄杆等景物都可以作為好好嘅實體引導線，同時一排街燈或者石頭等多個物件組成嘅虛線都可以成為你構圖中嘅引導線架！
對稱法
唔少建築物都有左右對稱嘅特性，包括橋、鐘樓、甚至內部嘅長走廊等。影相時只需要搵個適合角度，影出左右或上下平衡嘅影像，構圖就有和諧自然嘅感覺喇！
顏色對比
其中一個最快上手嘅構圖技巧，只要記低顏色對比，如鮮黃對深藍，或者紫色對淺綠，咁就可以做出好好嘅對比效果！如果預先知道行程目的地嘅背景顏色，不妨著返件有對比色嘅衫，想影唔出靚相都幾難啦！順帶一提，顏色除咗吸引眼球，仲有助我哋記憶！肌美精面膜都一樣，款款包裝都擁有唔同顏色，仲各有功能添！記低自己買開邊隻色，咁就唔驚買錯啦~
虛化背景
最後一個構圖技巧就係虛化背景！即係利用淺景深，加大光圈，造成影像「前清後矇」嘅效果，最啱處理雜亂嘅背景，亦係人像常用嘅技巧。
皺紋注意警報！如果相片焦點集中晒喺塊面到，咁面上每一條皺紋咪會睇得一清二楚？想自己更有自信，輕鬆處理近鏡，推薦大家努力敷肌美精超滲透3D抗皺保濕立體面膜！面膜紙採用柔軟棉質，並以3D立體剪裁設計，含足足30ml精華量，蘊含天然檸檬酸，高滲透處方令精華更容易滲入肌膚，仲有豐富嘅膠原蛋白，敷完皺紋同表情紋都通通冇得留低！幾時都可以影到靚相啦！