聖誕節又到，除咗食聖誕大餐之外，最令人期待嘅就係交換禮物喇！不過年年都係就咁抽聖誕禮物玩到厭？不如試下呢五種創意玩法，今年聖誕節就更fun更好玩啦！
Secret Devil
同Secret Angel玩法一樣，但係邪惡版。大家係紙仔到寫低個名，一人抽一張，抽中邊個嘅名，就要做佢嘅Devil！ 揀嘅禮物就係要諗下點「伏」下佢喇~
Yes or No
呢個玩法就好簡單～就係每人準備一份禮物之後，圍圈，輪流揀一個friend問佢肯唔肯同你交換禮物。如果佢肯就即時交換；如果佢唔肯，你就要揀佢隔離嗰個做強制交換！每人都成功換晒禮物之後遊戲就完喇～如果最後手上拎住嘅仲係自己份禮物，就可以再交換一次！
Wish List
一大班人交換禮物其實好麻煩，因為要諗買咩可以大家都用得著。如其估估下，不如直接講大家想要咩啦～每人寫低自己嘅名同3份最想收到嘅禮物，然後放入袋抽籤。抽中邊個嗰名就要係佢個wish list到揀其中一份送俾對方！咁就最實用啦，又唔怕自己抽到份伏嘅禮物啦～
天堂與地獄
每個人都準備一份高質同一份差嘅禮物，然後一齊抽獎。有兩種玩法，第一種係分開天堂同地獄兩份各自抽一次，即係每人都有一份好一份差嘅禮物；第二種就係撈埋兩類禮物嚟抽，worst case係會抽到兩份差嘅禮物，都咪話唔緊張！
「限制尺寸」
交換禮物通常都會限budget，但係就好少限size，而限制尺寸嘅難度就高好多喇！如果喺10x10x10cm 以內，好似都有好多禮物選擇，如果再細size啲呢？咁就可能考起大家喇！咁細份禮物真係可以好有「驚」喜㗎！
以上幾種玩法可以儲起佢搵唔同group嘅朋友一齊玩！唔怕話你聽，當要準備高質嘅禮物又受budget所限唔知買咩好時，不如就買返盒性價比高嘅肌美精面膜做禮物啦！超滲透面膜男女都敷得，貼面剪裁迅速為肌膚補水！冬天收到mask一定係實用之選啦！