打卡影相，再Up上社交平台是常識吧！之不過日日咁影，有時唔知點擺Pose好，真係有啲尷尬囉。教大家4種自然不造作嘅影相Pose技巧，等你都可以輕易拍出文青嘅感覺啦！
日本女仔大愛嘅瘦面技巧
十個女仔十個都話自己「大面」多肉，有咩好得過擺Pose同時幫自己瘦面？除咗坐低單手托下巴，企喺到都可以用雙手「扶」下巴，出嚟效果都好日系可愛感架！
製造「不經意」小動態
仲係唔知點影好？不如試下裝作生活中不經意嘅一刻啦！好似回望相咁，側側地身，扮作回望男朋友！回眸相講Timing同感覺，負責影相嗰位同Model一樣咁重要，務求捕捉到最自然一刻嘅笑容，仲可以Show到7分面添！
活用小清新拍攝道具
擺得太多Pose有啲厭倦？其實妳仲可以好好利用手上嘅「拍攝道具」，例如手袋、相機、杯子，擺出更多唔同風格嘅搞鬼相，令相片更加自然、豐富架！
發掘攝影好去處
好嘅攝影地點，自自然然就可以引導你擺出自然嘅Pose。熱愛戶外活動嘅你，享受陽光與微風嘅同時，再撥一撥亂咗嘅飄逸秀髮，咁就輕易捕足到唯美嘅相片喇！動作簡單又吸引，仲Show到你性感嘅一面添！
每日同男朋友出街街影靚相，除咗驚唔夠腳骨力之外，第二樣最驚就係陽光喇，曬乾皮膚水分，仲要黑幾度添！記得勤力啲敷肌美精超滲透3D 美白立體面膜，蘊含高純度維他命C、檸檬精華、膠原蛋白及蜂王漿精華，強效美白、保濕同時，仲可以減低皮膚泛紅機會，每次影相都係你嘅打底好幫手！