完勝日誌
完勝態度

個個都拍拖,唔通個個都想拍拖咩?

個個都拍拖,唔通個個都想拍拖咩?

唔知幾時開始,啲人開始標籤啲冇拖拍嘅女人,話佢哋「DRY」。係,我承認,愛情的確係女人最好嘅滋潤,一拍拖時好多人即刻雙眼水汪汪、紅紛緋緋,成個靚晒…

但,冇拖拍嘅女人,係咪就應份要DRY爆?

正所謂:有冇拖拍睇天意,但個人DRY定唔DRY,就絕對係人為! 就算心靈未有滋潤,肌膚都要keep住水潤。依個時候最緊要就係執返好啲肌膚、化返個靚靚妝,以一個完勝女人姿態示人。唔理你之後繼續等Mr. Right又好,開始收兵生涯做娘娘都好… 呢一刻,先參考吓我嘅補濕完勝技就最好:

 

記住女人是水做的


每個女人都係水做嘅,所以肌膚不可以一日無水!肌膚缺水,飲多啲水是常識吧。由細到大阿媽都教每日要飲8杯水,但真係高矮肥瘦都係8杯水夠?原來,飲幾多水係有學問,仲要係數學嘅學問!據營養師講,日飲幾杯水係有方程式可以計出嚟㗎:
[體重(KG)x 35~45ml] / 250 ml = 每日飲水杯數

 

補濕的完勝果實


成功嘅果實,係甜美嘅;至於補濕嘅果實,則係有「油」嘅!講緊嘅,係牛油果。唔講唔知,原來牛油果係生果界中嘅完勝果王。佢有豐富鉀原素,有助體內水份平衡,有滋潤作用。而且佢仲可以外敷,將牛油果泥溝純淨水,敷喺肌膚乾燥嘅地方,補濕寧舍work!

 

真‧沖靚涼


成日講沖返個靚涼都不過係沖耐啲,最多沖個泡泡浴咁。但其實真正嘅沖靚涼,係真係會越沖越靚的。點沖?其實好簡單- 趁沖涼時敷返個靚mask!因為沖涼時熱水嘅蒸氣會令面上毛孔打開,呢個時候敷mask,可以令補濕面膜入面嘅成份完全滲透到肌膚底層,事半功倍兼慳唔少時間,簡直係補濕急救嘅完勝之道。

 

同周公有個約會


呢個世界上永遠有個男人係available同你date,佢就係親愛的周公!身體要休息,皮膚都要休息,每晚同周公date夠時間,皮膚修復好啲,先可以鎖位啲水份㗎嘛。

 

呢幾個就係我嘅補濕完勝技。各位姊妹記住,女人一DRY便輸了,補濕真係好重要!

 

#完勝態度  #保濕  #Dry