完勝日誌
完勝女必殺技

可以拍出6種風格的香港婚攝地點!

可以拍出6種風格的香港婚攝地點!

婚紗照拍攝地點選擇多,簡簡單單可以到影樓影一輯唯美照片,預算許可唔少人亦會揀海外婚攝貪多特色靚景。不過香港其實都好多戶外地點揀,重點係隨時都可以影呀嘛!



1.山頂公園
戶外地點當中最熱門嘅選擇就係山頂公園喇,除咗可以一覽全港風景,廣闊嘅大草地同西式亭園係新人最鍾意嘅地方,好似去咗外國一樣!而且有車位提供,非常方便。


2.荔枝角公園
香港周圍都係現代建築,想影輯傳統中國特色嘅婚紗相可以到荔枝角公園,園內有一個稱為「嶺南之風」嘅園區,有中式大宅迴廊、涼亭同石雕等,著埋旗袍影相就好似返古代成親一樣!



3.中上環
如果大家想影moody啲嘅婚紗照,中上環街拍絕對係好選擇。融合英式歷史建築同現代風格,最能夠代表到香港特色,大大增加婚照嘅故事感!影相位好似有電車、遮打花園旋轉樓梯、終審法院大樓同多個塗鴉牆等。不過中上環人來人往,想影得靚就要留意拍攝時間喇。

4.香港大學
如果另一半喺母校認識,有咩開心得過喺相識嘅地方影婚紗照?香港大學周圍都係影相位,提提大家除咗要係舊生、學生或職員身份先可以申請拍攝之外,仲要留意只可以揀週日或公眾假期先可以進行拍攝。

溫馨提示︰戶外影婚紗照更加講求速度,香港天氣炎熱,曬足成日外影攪到肌膚好易缺水。建議大家外影嘅前後,敷返個保濕面膜,醒一醒神補充肌膚水分,咁就成輯相都咁靚咁正啦!

5.赤柱美利樓
赤柱充滿外國小鎮風情,到美利樓影婚紗相係另一個熱門選擇,獨特嘅維多利亞時期建築同海濱景色非常有夢幻感。赤柱廣場仲有提供免費新娘化妝間,方便隨時補妝同換衫。

6.石澳海灘
影得婚紗相當然唔少得藍天白雲同沙灘背景啦,石澳海灘海天一色,容易拍出亮麗動人嘅婚紗照。附近仲有多間彩色小屋,啱晒行浪漫風格嘅新人!

日日都出去戶外影相好容易曬黑架,新娘子唔想婚禮上真人黑過相片幾度,肌美精超滲透3D美白立體面膜幫到你,含美白有效成分高純度維他命C,可以抑制黑色素生成,預防黑斑同雀斑!再加埋3D剪裁,忽略嘅鼻翼同下巴都一樣敷到,零死角美白就係咁簡單,婚禮上一樣要靚盡全場!

小貼士: 著lowcut 婚紗嘅新娘子,千祈唔好唔記得頸同鎖骨嘅美白,肌美精美白3D面膜有足足30ml 嘅美白精華,敷完仲可以搵面膜精華按摩頸同鎖骨,滋潤又美白,靚曬!