Last Christmas, I give you my heart. But the very next day……
Christmas Party遇上男神，偏偏此時此刻先發現自己裝扮實在過份平凡！令機會白白流走！！要吸引男神目光，一定要好好打執靚Party Look架！
Lady in Red
想造型充滿聖誕味，通常都會以紅色或綠色為主調，不過就切忌鮮紅鮮綠一齊拼上身！唔知點襯好，不仿先由最簡單嘅紅色連身裙入手啦，碎花、格仔等圖案仲可以營出活潑感，再襯埋一對黑色高踭鞋，簡簡單單已經足夠迷倒男生喇~
Bling Bling閃亮戰衣
除咗顏色之外，活用Bling Bling閃亮感效果一樣可以為你嘅造型添上派對氣氛架。先穿上一件上身或下衣嘅閃片單品，然後配搭淨色服飾，可以輕易突出閃亮元素，頓時閃爆全場！
冷豔Rock n Roll
唔想走甜美路線？一樣大把選擇。有時出席朋友聚會，唔想打扮太花巧，或者想以舒適為主，方便玩Party game，皮褸皮褲、黑手袋就可以為你帶嚟搖滾味道。你亦都可以穿上一件西裝外套，襯搭緊身牛仔褲，配埋一對皮靴，打扮中性又頗具型格。冷豔、野性嘅感覺反而會令男仔對你更好奇添！
日系毛毛Look
好消息啊！行開日系路線嘅你，終於可以拎返衣櫃入面件毛毛褸出嚟喇！毛毛褸一般都比人感覺有點隆重，香港亦較少機會著到。不過用嚟做Party戰衣就啱晒，襯埋對長Boot仔，貴氣得嚟又Kawaii，令男生瞬間掉進你嘅溫柔鄉~
薯嘜聖誕毛衣
不過講到最有聖誕氣氛，一件大紅大綠、仲要印埋聖誕圖案嘅毛衣就至啱喇！唔好以為小編講笑啊，其實係搞緊笑。外國流行著上老套冷衫慶祝聖誕節，唔少名人都有效應，源於自嘲同搞笑意味，因為通常只有長輩先會著呢種七彩厚毛冷衫。自問點著都咁靚嘅你，用嚟同男神打開匣子都唔錯啊！
平凡中的不平凡
想掌握Party Look到恰到好處，確實唔易架，如果冇心思配襯，其實可以運用飾物為造型點綴！一件簡單嘅毛衣、連身裙、裇衫，襯上設計誇張嘅耳環、華麗嘅胸針、耀目嘅頸飾，可以為造型大大加分。
Dress up with mask!
聖誕戰衣Ready，飾物Ready，仲差靚樣未Ready啊！平時勤力敷面膜都係一種打扮嚟架，肌美精超滲透3D美白立體面膜蘊含醫藥部外品級數美白成分，可以抑制色斑形成，仲有超貼面3D剪裁，加埋30ml 美白保濕精華，幫你同步滲透、美白、保濕！化妝前再敷一敷，妝容更貼服，任何場合都成為零死角Party Queen啦！