成日都聽人講大學生活多姿多彩，過幾日就開學，緊唔緊張？興唔興奮？期唔期待？唔知大家ocamp玩成點呢，上次學咗啲社交技巧，應該都識到唔少新朋友仔啦！今次就醒大家幾個小tips，幫你大學生活做好準備！
身—咪慣住玩唔理健康
上文提到，住hall生理時鐘錯曬，傷身又傷神！唔住hall一樣有機會捱夜搞壞身子，唱通K、飲嘢、通頂溫書等等。玩得幾癲都好，健康都好重要，因為畢業後返工更加冇時間做運動！年紀愈大，新陳代謝愈慢，更要趁年輕操fit啲！游水、跑步、瑜伽咩都好，做下運動身體健康啲，皮膚都靚啲啦！
心—大學冇咩多，Hi bye fd最多
係，入咗大學可以識到好多新朋友，但係唔係個個都做到知己。喺大學讀書唔似中學咁日日都對住同一班同學，一齊上堂、食飯、溫書，好多時都要習慣自己一個。如果唔慣獨處嘅同學仔就要有啲心理準備啦～喺大學未必有咁多時間培養感情，反而識到好多hi bye fd～而且大個咗人都不再單純，記得要慎交朋友啊，不過有4年時間，總會搵到志同道合嘅朋友嘅！
神—時間管理好費神
大學好free，時間點用完全由你決定，例如自己砌timetable、join咩society、住咩hall等等～所以time management非常重要！對比起中學個種規律嘅生活，大學真係會自由兼忙到令你一時適應唔到！又要溫書、返part time、仲要yo hall，一日24小時真係完全唔夠用！唔想夜訓通頂追時間冇曬精神？就要好好分配時間啦～
大學4年時間，話長唔長，話短唔短！時光眨下眼就過，當然要靚靚女女啦～不過身體健康都好重要，唔好慣住玩，通頂搞到皮膚差曬，愛錫肌膚愈早愈好啊～通頂通得多，皮膚暗沉又爆曬瘡點得呢！快啲敷返塊粉刺護理保濕滲透面膜啦，幫你平衡油脂分泌，仲可以淡化暗瘡印添！Work hard play hard，好好享受青春年華啦！