厚妝Out❌❌❌做個有「小機心」的偽素顏女生

 

以前個個都鍾意厚粉,一粉就遮三醜,雀斑、毛孔、暗啞膚色一抹就趕走晒!不過呢個「呃到人但呃唔到自己」嘅方法,近年已經out!「偽素顏」至係新生代最like嘅妝容。無咗「厚粉」呢個「偽妝」工具,皮膚有瑕疵點算好?即刻做個「小機心」女生,針對唔同皮膚問題勤敷mask,打好個靚底,皮膚又滑又有光澤感,「零粉底」都無問題!

 

「小機心」女生要用7大面膜!

想做個皮膚滑滑嘅「小機心」女生好容易,即刻介紹你用肌美精7款性價比超高嘅mask,幫你針對唔同問題去改善肌膚,要完美演繹「偽素顏」,你都可以!

 

對付雀斑暗啞肌要敷:

有人話,「有雀斑=老10年」,OMG!同陽光玩遊戲唔小心曬出斑斑?咁就要即刻勤敷具有美白功能嘅mask,先軟化角質層,再等美白精華滲透入皮膚抑制黑色素形成,皮膚就可以零斑無瑕喇!


超滲透3D美白立體面膜
內有高純度維他命C誘導體,能快速滲入肌膚底層,幫助抑制黑色素形成,配合具柔軟肌膚及去黃功效嘅檸檬精華,具保濕功效嘅膠原蛋白同蜂皇乳,膚色就更水潤均勻兼零雀斑啦!

 


深層美白保濕滲透面膜
濃厚雙重保濕精華液內有維他命C誘導體,加上海洋性膠原蛋白同珍珠麥精華,可以抑制黑色素生成及持續保濕,配合具軟化角質功效嘅檸檬精華,能夠均勻膚色,令皮膚白裡透紅。面膜嘅高濃度美白成份,更被列為醫藥部外品,夠晒高效。

 

對付缺水肌要敷!

以為皮膚唔靚只係關表面事?錯!其實缺水至係暗啞皮膚嘅元兇!身體飲唔夠8杯水都唔健康喇,肌膚唔夠水一樣會無晒彈性同光澤感,要解決問題,就要識得勤敷保濕mask,持續泵水畀細胞,咁至夠脹卜卜呀!


超滲透3D抗皺保濕立體面膜
呢款超溫和高效抗皺補水mask,內有30ml超濃厚保濕美容液,當中包括令肌膚細胞脹卜卜嘅膠原蛋白,令皮膚回復彈性;配合天然成分檸檬酸,更可軟化角質,提高皮膚嘅新陳代謝能力,幫你預防皺紋,皮膚自然更Q彈更有透明感喇!

 


超滲透3D水潤嫩滑立體面膜
如果天生皮膚較乾,咁就要用含有高濃度透明質酸配方嘅超滲透3D水潤嫩滑立體面膜,其高滲透配方,可「零死角」將超強保濕成分玻尿酸帶到肌底,幫皮膚深層補水兼鎖水,水潤感覺由內到外滲出嚟呀!咁以後就算幾乾,都唔怕上粉「卡住卡住」喇!

 


超滋潤保濕滲透面膜
要皮膚夠水就要勤敷mask,呢款性價比超高嘅超滋潤保濕滲透面膜,唔洗$10就有一片,日日敷都唔怕肉痛。佢嘅格狀纖維布膜可以將大量濃厚精華液壓入肌底,入面仲有胺基酸同蜂王乳嘅雙重保濕成分,識得鎖水兼保水,皮膚「飲飽水」自然夠晒光澤感喇!

 

對付毛孔、暗瘡要敷:

女生最怕就係毛孔粗大同暗瘡,塊面「嚡烚烚」又多窿又多粒,就連遮瑕膏都唔可以將洞洞填平,好煩惱!毛孔粗同出暗瘡好大可能係因為過於乾燥引起,即刻用具收緊毛孔功效嘅緊緻收歛滲透黑面膜,暗瘡肌就用有修護功效嘅粉刺護理保濕滲透面膜AD,重點拯救皮膚。


緊緻收歛滲透黑面膜
天然黑炭面膜布內含有具收緊毛孔功效嘅日本溫泉礦物質,加上天然保濕因子Ceramide,一片mask就做到緊緻、保濕、淨化、吸收多餘油脂等功效,用後皮膚乾淨又緊緻,非常方便呀!

 


粉刺護理保濕滲透面膜AD
唔少女生認為出痘痘就唔可以敷面膜,其實只要揀含有除痘印成分維他命C、抗痘兼消炎嘅甘草甜素酸2K,及具抗氧化功效嘅活性成分兒茶素和多酚類物質嘅mask,就可以鎮定同美白皮膚,做到全效修護兼對抗痘痘,仲可以預防重複性成人痘及痘疤呀!