Christmas Party令人最興奮嘅環節當然係Party Game啦，一大班Friend圍埋一齊玩，最容易炒熱全場氣氛，一於落啲功夫諗下有咩好玩遊戲，製造多啲難忘回憶啦！
經典類
橋唔怕舊，經典遊戲人人都熟悉，唔洗再花時間熟習。首選有猜猜畫畫同Killer，唔洗準備，隨時玩得！
猜猜畫畫︰只需要紙同筆就可以，由MC向畫方指定題目，估中畫咩就勝出，朋友們強大畫功相信係最好嘅笑點。
Killer︰圍成一圈，抽出狼人、護士及平民等角色，狼人每Round要殺一個人，平民亦要投票估出狼人身份。呢個時候就可以睇出邊位姊妹最攻心計喇！
啤牌類
啤牌有好多種玩法，其中一款喺香港，大人小朋友都熟悉嘅合家歡遊戲七級豬。
七級豬︰每人先平均分派一定數量啤牌，然後將啤牌組反轉，並輪流出牌，出牌同時由１至k順序讀出啤牌代表數字。若果打出嘅牌同所講嘅數字相同，所有玩家就要即刻摸鼻哥，反應最慢嘅就成為一級豬，再輸就變二級豬，直至七級豬為止。七級豬重點係唔同級別嘅豬之間唔可以傾計，否則低級嘅豬就會自動變成較高級豬嘅級數，所以出「口術」先係致勝之道！
運動類
如果時間、場地空間都足夠，小編覺得可以預先準備小道具，玩一啲考驗運動神經嘅遊戲就最刺激，仲可以依喜好隨時增加難度添！
吹泡泡︰玩家要用口吹氣控制飄浮中嘅泡泡移動，越過唔同障礙物到達終點，至於路線、障礙物就任大家發揮喇。
踩波波︰將氣球綁喺身上唔同位置，玩家要鬥快將對方嘅氣球全數整爆，為咗增加難度，雙方仲要敷住面膜決鬥，過程中甩出嚟都算輸架，諗起兩個人敷住面膜擺出各種古怪肢體動作已經夠爆笑啦。
扑傻瓜：準備兩個鎚仔同兩個盾牌，猜包剪揼，嬴方可以拎起玩具鎚仔扑對方一下，而輸方要及時拎起盾牌擋，睇下邊個眼明手快！想玩升級版？大家仲可以敷住面膜決鬥，限制埋大家動作流暢度，面膜甩出嚟先當真正輸架！溫馨提示:想贏就一定要識揀肌美精嘅3D面膜啦，包你點郁都唔甩!
遊戲玩具類
宜家坊間有好多款唔同玩法嘅遊戲小玩具超受歡迎，例如有扑傻瓜機、迷你夾公仔機、釣魚機等，買齊一Set任何Party都大派用場。
忌廉機：其中一款最受歡迎嘅玩具，雙方要鬥手快禁紅色按鈕，輸咗忌廉會直接拍落你臉上，緊張刺激！
Drink Game類
Party難免飲番兩杯，點可以唔識返一兩個Drink Game呢？ 例如有Beer Pong, Quarters,
King’s Cup等。
Beer Pong︰長枱上每邊都會放有杯，並排成好似保齡球樽一樣嘅三角形組合形狀，杯入面會裝滿酒，當攻方將波成功投入杯內，防守隊伍就要將該杯入面所有酒飲晒，並將杯拎走。首先失去所有杯嘅隊伍就為止輸，需要將贏家剩低嘅酒全部飲晒。
Party 狂歡後小貼士
飲完幾杯酒，狂歡過後，姊妹們返到屋企記得做好保養啊，唔係好傷皮膚架！肌美精超滲透3D 抗皺保濕立體面膜全面覆蓋鼻翼、下巴等部位，並含足足30ml美容液，天然成分更加可以改善皮膚新陳代謝能力，預防皺紋及表情紋，玩得夜都唔會變殘樣，幫你Keep住水彈、嫩滑年輕肌，玩到去除夕都無問題丫！