矮妹最怕嘅唔係被取笑身高，而係無論做咩都「好可愛」！所以著裙往往好怕帶俾人似小朋友嘅感覺，想睇落對腳長啲，搵返著裙嘅時尚感？其實睇你點襯！由揀裙竅門入手，小編精選咗四款「增高」裙款：
迷你裙
第一款當然係短裙啦，好處係可以露出整個腿部條線，睇落更加腿長，而且仲帶啲性感！
A字裙
飄逸嘅裙擺除咗帶點成熟味道，寬闊對比感仲會令腳部顯得更纖幼細長。
直條紋裙
利用直條花紋嘅視線錯覺，可以拉長身高同整體線條！
高腰長裙
矮妹一樣可以著長裙架！其實重點在腰部，只要揀高腰款長裙，就可以令視線往上集中，增加腿長比例效果！
3款必試長腿Look
識得揀適合裙款後，小編再建議3款配搭方法，令你嘅腿長拉長至極致~~~~~~啦！
首推第一款係短裙配高踭鞋，高踭鞋功用唔多講啦，呢個時候襯埋迷你短裙，令腿長瞬間增長10cm都絕對冇難度！第二款係帽配長裙，如上文提及嘅技巧，戴帽可以令視線往上集中，增加腿長比例效果，配埋直條長裙，效果Double up！第三款係高腰裙再揳衫，好多韓國女仔鍾意用到呢個技巧，拉高腰部線條令腿更長，T-Shirt或裇衫等作為上衣都可以架。
努力打扮，矮妹都可以展現時尚優雅嘅一面架！今日起唔好再俾藉口自己懶喇，敷多啲Mask好好保養啦。肌美精低敏高效保濕面膜，用上窩夫狀纖維布膜紙，25mL弱酸性精華液含植物性保濕成分及透明質酸，深入肌膚底層，鎖水保濕。同時無添加7大致敏成分，並通過多項敏感測試，就算擁有敏感肌，都一樣可以為肌膚好好「打扮」，選擇最好嘅！