無論係學生時嘅畢業舞會，抑或出社會後唔同場合嘅宴會，女仔都好似離唔開性感裝扮？梗係唔係啦！教大家5款穿搭方法，唔Show身材一樣可以成為全場焦點！
Tone on Tone
對派對穿搭冇研究的話，Tone on Tone方法可以話係最簡單嘅入門之選！同色調嘅配搭可以營造出節日感，增添Party氣氛，同時展現融和感，睇落更有活力同朝氣。要特別留意Tone on Tone打扮不宜用在深沉色系，鮮色系先能夠顯示細節同層次感架！
閃亮穿搭
包含閃亮元素嘅衣著當然最有派對感啦，只要穿搭得宜同樣非常適合宴會時穿上。除咗閃亮連身裙同各種閃亮配飾之外，大家仲可以穿上黑色漆皮褲，帶出型格派對感，另外絲絨同樣會有亮身嘅光澤效果，同時感覺更高貴。襯衫時只需要選擇上衣或者下衣加入閃亮元素，咁效果就唔會太浮誇喇。
派對紳士風
無論你本身係個徹頭徹尾嘅甜美女孩，或者一直都咁男仔頭，女仔以中性打扮出席派對，都絕對搶晒Fo，型格之餘仲不失隆重感。男友西裝係中性打扮嘅好幫手，當中以英倫風格仔紋最受歡迎，可以襯上與西裝同色嘅西褲、高腰闊褲等，如果覺得剛陽味太重，裡面襯上連身裙都得架。
復古文藝風
復古風回歸，係時候將復古味道帶到派對場合上面喇。復古風長裙或長褲以暗色作底色，印上鮮艷波點、格仔、碎花等圖案，襯以鎂光燈一樣嘅色調，好似回歸到80年代一樣。想走氣質路線的話，同樣可以穿上米色、白色嘅洋裝連衣裙，再搭配一個復古牛皮醫生包，效果一樣唔錯架。
波希米亞風
熱愛自由，對生活有自己一套風格，咁波希米亞風就可以令你喺Party上展現自己獨特嘅性格！波希米亞風充滿遊牧民族色彩，佈滿印花嘅褶皺大擺裙，配上木底涼鞋，再加以多款手飾同銀器，整個形象色彩奪目，適合較輕鬆嘅宴會場合。
雖然唔洗Show身材，但係靚樣點都要見人！點可以俾Party嘅鎂光燈照出一條條細紋呢？肌美精超滲透3D乾燥小紋立體面膜採用超貼面3D立體密著滲透設計，含高濃度EX維他命A醇、檸檬精華成分及蜂王漿保濕成分，柔軟角質層令精華深層滲透，皮膚完全吸收水潤退紋精華，即時減少乾燥細紋，仲回復水潤彈力，係你嘅Party好戰友，去Ball前敷一敷就至搶鏡喇！