講到提神，咖啡係好多人嘅首選，雖然有短暫提神功效，但係當咖啡因消退後，反而仲攰過未飲！以下五種食物比咖啡有更好嘅效果，更天然～
堅果
身為superfood，對精神當然有益處啦！杏仁、核桃同開心果等等嘅堅果中嘅豐富鎂同鋅，可以減少疲勞、舒緩失眠或者焦慮等情況，有助提振精神！
蘋果
「一日一蘋果，醫生遠離我」相信大家都聽過，蘋果當然榜上有名啦～蘋果有天然葡萄糖同維他命C，而維他命C有助身體吸收鐵質，製造紅血球，送多啲氧氣到人各部位，等大腦可以靈活運作！
西瓜
夏天炎炎，唔食西瓜點得咖！西瓜可謂消暑佳品～佢除咗充滿水份，仲含有豐富維他命B1同B6，有助提升身體能量同維持體內電解質平衡，絕對係天然運動補給品！
燕麥
燕麥低卡又飽肚，係減肥人士嘅恩物～燕麥含有水溶性纖維，有助穩定血糖，唔怕一時血糖低而感到疲累。燕麥仲有大量維他命B，維持大腦靈活，促進新陳代謝，排走體內廢物精神固然好啦！
牛奶
飲少啲珍奶，改飲牛奶啦～牛奶有豐富蛋白質、鈣質同鐵質，可以舒緩肌肉同神經繃緊，令身體放鬆，個人都冇咁易攰！而且女仔經期前飲仲可以減輕肚痛、心情煩躁等症狀添！
朝早想提神？依家唔洗飲咖啡啦！呢5種食物隨處可見，仲可以買嚟自製superfood添，牛奶沖燕麥再係上面加少少堅果，有效提神仲冇副作用，食得健康又放心啦～除咗由內入手，敷埋個肌美精深層美白保濕滲透面膜，濃厚精華、維他命C同膠原蛋白，有防止雀斑及黑斑形成，第二日肌膚嫩滑透白。無論內在定外在都夠晒精神啦！