步入人生另一階段，當然想由最熟悉嘅姊妹見證啦，但係最好交情並唔代表最適合加入姊妹團喎，如果個性不合的話不妨以賓客身份見證更好，揀姊妹團最緊要有以下5樣特質！
大叔系女子
男仔頭性格，堅強硬淨仲搬得抬得，Big Day當日有唔少物資，總唔能夠靠晒兄弟團幫手拎，而且女仔比較心思慎密，兄弟團見到佢咁落力亦唔好意思偷懶啦！
數口精明
負責點收禮金、金器同記帳等，當日臨時買咗咩野都要一清二楚，有一個精打細算嘅姊妹就可以減少好多不必要支出喇！
Social達人
最緊要talk得唔怕同陌生人傾計，新娘新郎行程緊密，唔想怠慢親戚朋友就要靠佢好好招呼，甚至可以隨時做埋司儀，炒熱全場氣氛添。
美術指導
化妝師往往會擔任類似角色，整理髮型、衣服同化妝等環節，不過主要服待新娘。有一個擁有美學觸覺嘅姊妹更加可以留意場地佈置，從細微處影響婚禮。
管家婆
有齊各個分工角色，當然仲有個統籌者一眼關七啦！管理時間，冷靜解決突發問題，帶領姊妹團完成唔同工作，咁樣Big Day就萬無一失喇！
姊妹們的慰勞品
有咩野驅使佢哋加入你嘅姊妹團？係愛啊！有愛都要有水潤嘅肌膚，忙足成日真係皮膚都乾晒，作為新娘記得好好慰勞下佢地喇，肌美精超滲透3D水潤嫩滑立體面膜擁有高低分子透明質酸成份，仲有3D cutting 勁貼面，唔同面形嘅姊妹都Fit到，敷完肌膚水潤感即刻大大提升，一人一盒作為姊妹情見證啦！