婆媳關係呢個自古以來嘅問題都影響住好多夫妻，相見好同住難，三個人相處得唔好會好易影響到一段婚姻～以下幾招就幫到你避開奶奶地雷，減少磨擦！
口頭舌滑有禮貌
無論面對住開放定傳統啲嘅奶奶，以禮待人好重要！身為新抱，見到長輩時都應該先打招呼。而且，有時係屋企做緊自己野，奶奶嗌你都要比啲回應，就算忙緊敷mask都唔好當聽唔到！有禮貌，令對方覺得受尊重，自然可以慢慢拉近關係啦！
嘗試幫手做家務
好多女性結咗婚之後都唔會放低工作做全職主婦，冇咩時間又或者唔係好擅長做家務，而奶奶就會幫手做家務。但係始終家務都係兩公婆嘅責任，唔可以依賴曬奶奶。每次都係奶奶做，耐咗梗係會有不滿啦！所以就算忙或者唔擅長，都要嘗試落手做，幫奶奶分擔下，佢都實會感到窩心～
唔好借老公把口
老公呢個角色係呢個三角關係裹面絕對係舉足輕重！不過，有時同奶奶有啲衝突時，老公呢個和事佬未必能夠完全能夠幫你表達不滿，又或者不加修飾照直講，反而搞到婆媳關係仲差添！有啲情況都要嘗試自己同奶奶直接溝通，慢慢解決問題。
生活習慣唔同，始終都要時間慢慢適應。經過咗磨合期就會少啲紛爭，婆媳關係急唔嚟嘅，敷個mask抖下啦！肌美精超滲透抗皺保濕立體面膜，濃厚精華為肌膚即時補水，抗皺有彈力！皮膚靚曬心情都好啲，同奶奶傾計都冇咁易燥啦～