點解日本女仔嘅皮膚總係特別靚？就算天氣乾燥，佢哋都好似完全冇咩肌膚問題，底妝仲係完美無暇！佢哋到底有咩護膚秘密？即刻話你知～
注重保濕
好肌膚嘅第一步，就係要夠保濕！日本女仔唔係只喺冬天先加強保濕，而係一年四季，anytime都咁注重保濕！定時敷mask當然唔少得，日本OL更係人手一枝保濕噴霧，全天候為肌膚保水！
有良好生活習慣
唔少人會靠做facial，做機去改善皮膚，但呢啲都只係輔助。日本女仔相信皮膚好壞同飲食都有好大關係，所以佢哋都會養成良好生活習慣：多飲水、有充足睡眠、多做運動等等。健康生活有助穩定同改善肌膚問題，大家都一齊努力啦～
做面部按摩
搽上護膚品同步用手幫面部按摩都係一個小技巧嚟，除咗有助肌膚更易吸收護膚品，亦有助去水腫。適量按摩更可以做到緊緻同提拉肌膚嘅效果，睇落塊面都細啲！不過暗瘡皮膚就唔適宜按摩，如果唔係反而會按破傷口，造成反效果。
做好防曬
以為夏天先要做防曬？NO WAY！想皮膚靚啲就日日都要搽防曬！紫外線會加速皮膚老化，亦會加快皮膚水份流失，更易生斑同乾紋。唔搽防曬，之前做落嘅保濕就白白浪費喇，所以更加要養成搽防曬嘅習慣，有需要時隨時補搽，好好保護皮膚。
適時釋放壓力
太大壓力除咗影響心情外，都會影響皮膚㗎，所以適時休息放鬆一下對皮膚都有幫助。日本女仔會選擇每日更換唔同嘅妝客去轉換心情，建立自信～大家都可以揀自己鐘意做嘅事去舒緩壓力，心情開朗啲，皮膚都靚啲！
擁有人人稱羡嘅好肌膚，第一步係保濕！保濕！保濕！好重要所以要講三次！想皮膚飲飽水？試下敷肌美精超滋潤面膜啦～濃稠精華液為肌膚持久保濕，打造光滑有彈力嘅皮膚。先有水嫩肌膚，加埋以上護膚秘訣你都可以擁有似日本女仔一樣嘅好皮膚！