新婚生活本來都幾開心，但係小朋友出咗世之後大家都聚焦落BB身上，兩公婆感情反而淡咗？生小朋友唔等於踏入婚姻墳墓，學識以下幾個袐訣幫你同老公嘅愛情保鮮啦～
絕招一：每日簡單問候
日日住埋一齊，仲有冇每日講早晨同晚安？無論心情點樣，每日都要有簡單嘅問候。俾對方知道你朝早定夜晚都記起佢，佢一定會感到心頭一暖。呢啲嘢好似好簡單，但正正係咁先更加要keep住做，一齊拼湊平淡的幸福。
絕招二：培養共同興趣
培養邊種興趣唔重要，重要嘅係有時間同對方一齊。落街跑步出下汗又得，喺屋企一齊敷mask追劇又得，有對方嘅陪伴，大家都開心享受就夠了！
絕招三：抽時間拍拖
兩公婆成日忙住湊小朋友，有幾耐冇再二人世界？要保鮮，搵日同另一半兩個人去拍下拖啦！唔駛好隆重嘅，簡單落街散步，拖手仔傾心事，或者一齊睇齣戲都好夠。重溫當年拍拖嘅甜蜜，令愛情升溫！
絕招四：唔好吝嗇你嘅讚美
有幾耐冇讚過或者多謝過對方？就算對方心知你愛佢，都要宣之於口令佢知道。對方剪咗個新髮型你覺得好睇嘅，不妨讚下佢；對方陪你行咗成日街，都不妨多謝佢。一句說話可以令對方感到被愛同被尊重，日後做得更好！
絕招五：要識得放下身段
有咗小朋友之後鬧多咗交？嘈完點處理？對住愈係熟悉嘅人，愈易講出傷害對方嘅說話。兩公婆嘈交平常事，鬧完交之後就要識得放下身段同面子去安慰對方。道歉又好、比對方一個擁抱都好，只要令對方感到被愛，咩問題都好快解決到啦～
屋企多咗位新成員的確係開心事，除咗照顧小朋友，都要記住照顧兩公婆嘅關係。冇一段感情係會永遠都處於熱戀期，細水長流嘅愛情係要靠雙方一齊努力維繫。湊BB湊到攰就一齊敷mask休息下啦～肌美精超滲透水潤嫩滑立體面膜為皮膚即時叉電，濃厚精華幫你持久保濕，即時擁有嫩滑BB肌！