踏入秋季，護膚品同化妝品都要轉季喇～唔少人最擔心嘅係皮膚一乾，上妝就唔夠貼，繼而就出現浮粉、卡粉或者係甩妝嘅問題。想秋冬底妝可以貼貼服服？睇下呢幾個底妝小tips啦！
妝前濕敷化妝水或敷面膜
想個妝夠貼，皮膚都要夠水潤先得～天氣凍就好易有乾紋，妝前可以喺易有乾紋嘅位置作局部濕敷，令皮膚吸飽水分，減少細紋產生。又或者敷mask 全面補水，肌膚有足夠水分，粉底都冇咁易甩啦。
用保濕霜代替妝前隔離乳
皮膚乾，一般人會揀保濕妝前隔離乳盡量幫肌膚補水。但係天氣變凍，當保濕妝前已經唔夠潤，就可以考慮下用cream代替primer，等皮膚滋潤，底妝都貼啲～
待護膚品吸收後再上粉底
有時趕住出門，唔少人搽晒護膚品就即刻上妝。以為上粉底前有搽cream就可以令底妝貼啲？咁只會做成乾外潤內乾，搽幾多保養品都冇用。所以等皮膚吸收晒護膚品後上粉底，先真正做到保濕不脫妝！
除咗呢啲小技巧，恆常嘅護膚好重要！平日做好清潔，毛孔疏通就更易吸收護膚品啦。天氣乾燥都要敷多啲mask幫肌膚補水！肌美精超滲透乾燥小紋立體面膜有助軟化角質層，濃厚精華滲至肌底，減少乾紋生長，令肌膚重現水潤光澤。皮膚飲飽水，秋冬上妝就一定貼貼服服啦～