話咁快又踏入秋季，天氣乾燥，肌膚易敏感，係時候要幫肌膚補水啦～敷mask當然重要，要做到滋陰養顏，更要飲多啲湯水！睇睇以下幾款湯水食譜，秋冬滋潤一下啦～
蘋果百合無花果湯
功效：蘋果生津止渴，百合清心安神，無花果健脾潤肺。呢款湯水滋潤又排毒，轉季就啱晒喇！
材料：蘋果3個、無花果4粒、百合20克、陳皮1件、雪耳1件
做法：將蘋果切件去芯，陳皮浸軟去囊，雪耳浸洗去蒂。之後將材料倒入煲，用中火煮滾後轉中細火冚煲蓋煮1.5小時。最後可以加少少鹽調味，但唔好落咁多，以免蓋過蘋果甜味，少鹽都健康啲嘛～
霸王花響螺豬展湯
功效：霸王花健脾胃，響螺有滋陰養顏嘅功效。秋冬易病喉嚨痛就好啱飲呢款湯水，潤肺補腎。
材料：霸王花50克、乾響螺頭 4隻、南北杏 15克、無花果5粒、蜜棗2粒加豬展300克。
做法：豬展先汆水，響螺頭洗淨浸軟並去腸切片；霸王花浸泡去蒂。將材料放入煲後以大火煲滾，轉細火再煲3個鐘即可。
川貝冰糖燉梨
功效：雪梨潤肺清熱，川貝母則止咳化痰。呢款湯水有助潤肺而清肺熱，夠晒滋潤！不過梨係屬寒涼食物，寒底體質就唔好食多過三分二個梨啦～
材料：梨1個、川貝5-7粒、冰糖4-6粒
做法：將梨去皮並去核，再同其他材料一齊放入燉盅，以中細火蒸30分鐘即可。
除咗靠湯水由內滋潤身子外，點少得由外幫皮膚做埋多一重保濕呢！轉季皮膚易敏感又缺水，用肌美精低敏高效保濕面膜就啱喇～通過多項敏感測試，植物性保濕成分幫皮膚深入補水，紓緩泛紅。專為敏感乾燥肌而設，再凍啲都唔洗擔心啦～
資料來源：Day Day Cook