今年新年假期話長唔長，話短唔短，有啲朋友仔請多兩日假，足足連放9日假期添！留喺香港嘅你，農曆新年做啲咩好呢？即刻等小編同大家嚟個大整合啦！
年宵市場
要數新年活動嘅頭炮，梗係年宵市場啦！今年農曆年宵市場將於1月30日至2月5日凌晨舉行，為期七日。港九新界離島區總共15個地點都有舉辨，啱晒鍾意掃街買嘢嘅你，仲可以行埋花市，買棵心儀嘅賀年花返屋企轉個好人緣桃花運添！
祈福參拜
新年要有個好開始，唔少人都會揀去廟宇參拜求個福，年三十晚黃大仙祠更加會通宵開放，俾大家上「頭炷香」！冇打算搶「頭炷香」的話，一樣可以揀初一或者之後嘅日子許願祈福架。
除咗黃大仙祠，今年同樣有香港許願節，舉辦日期由2月5日至3月3日(年初一至年廿七)，地點位於林村許願廣場。大家可以試吓林村傳統拋寶牒，將願望寫喺寶碟上，再拋到許願樹上許願。另外仲有一系列活動，例如美食嘉年華、新春花車展覽、盆菜宴同各式表演添！
拜年活動
初一、初二當然要出動拜年啦！逗完利是，同親戚噓寒完一輪之後做咩好呢？有三樣活動最啱一班人一齊做，就係煲劇、打機、打麻雀喇！女仔最享受就係煲劇嘅時候~記得準備定啲新劇同姨媽姑姐一齊睇啊，等佢哋淨係掛住同你討論劇情，仲點得閒問你感情狀況啊~
煲足成日劇，好容易傷神又傷皮膚架！肌美精超滲透3D 乾燥小紋立體面膜蘊含高濃度EX維他命A醇及蜂王漿保濕成分，幫你水潤退紋，再追多幾集都唔係問題！
大型節慶活動
每年政府都有各種大型節慶活動，今年「香港新春節慶」期間，尖沙咀文化中心會有國際花車巡遊。另外仲有維港煙花匯演及賀歲賽馬，都好啱去感受農曆新年氣氛架！
咁初三或者年假過後，仲可以去邊呢？見咗咁多親戚朋友，梗係去搵男朋友啦！「友邦歐陸嘉年華」今次開放至2月17日，約埋另一半或者Friend去玩都好適合，場內有好多機動遊戲同遊戲攤位，過一個刺激嘅農曆新年都唔錯啊！
踏入豬年，女士們更加記得要好好保養，唔可以做懶豬架！榮獲日本銷量No.1 面膜，肌美精一直都係妳嘅好拍檔，超滲透3D 抗皺保濕立體面膜含高達30ml美容液，配合3D立體剪裁設計，有效預防皺紋形成，用後令肌膚更彈、更年輕。祝大家農曆新年快樂，新一年，繼續多多指教！