情人節又到喇，今年你係蜜運中定單身萬歲呢？無論有冇意搵伴侶，新一年擴闊一下社交圈子幾時都冇壞， 仲可以為生活帶嚟新衝擊添！參考下面方法，去識多啲朋友仔啦！
初心者：興趣班
想由初步入手？小編首選推介興趣班！首先課堂嘅氣氛同設計會好自然咁製造到機會俾參加者交流，啱晒不擅主動攀談嘅女仔！其次，大家又會有圍繞該興趣作為共同話題。最後仲可以依照自己興趣報讀，健身班、語文班、煮食班，總有一樣啱你，就算識唔到男仔，都學多一樣技能呀嘛！
中級者：朋友嘅朋友
如果你要以效率為主，務求搵到最合適嘅對象，搵朋友介紹會係一個唔錯嘅選擇。了解你嘅朋友會清楚你適合咩男仔，較容易識到志同道合嘅人，配對成功率自然高好多！所以，不妨多啲參與大圈子聚會，好快搵到真命天子！
上級者：獨自去旅行
「人生由我哋離開舒適圈嗰刻先開始！」決定擴闊新生活圈子，無疑已經係踏出Comfort zone嘅第一步，旅行可以令我哋擴闊眼界，放鬆心情，唔怕同陌生人搭話嘅話，話唔定可以邂逅一段異國情緣添！
外貌協會：社交 Apps
若然「最緊要係靚仔！」係你嘅條件，呢個年代各種手機社交 Apps就一定幫到你。全球社交 Apps風氣越吹越強勁，好多單身一族都會利用呢個平台識朋友或者異性，啱晒外貌協會人士呀。Profile picture唔夠順眼？下個囉！
之不過咁，姊妹們記住你揀男仔嘅同時，男仔都一樣會揀對象架。幫自己好好保養先係最有效方法，一於敷多啲Mask鍚住個靚樣啦！肌美精低敏高效保濕面膜含植物性保濕成分及專利海洋性胎盤®，幫你修護肌理兼鎖水保濕，仲無添加7大致敏成分，就算係擁有敏感缺水肌嘅女仔都啱用！根據富士経済ネットワークス (富士經濟networks) 銷量數據，肌美精3D面膜更加成為獨立片裝面膜之中嘅No.1同No.2，可想而之有幾受歡迎啦！