聖誕派對向來都係女仔之間爭妍鬥麗嘅戰場！準備好戰衣之後梗係要化返個靚妝喇！不過Party妝同平時日妝唔一樣，用色較大膽明顯，希望突出輪廓。等小編介紹3個簡單時尚Party妝，俾啲頭緒大家fight低其他女仔！
閃閃亮金眼妝
呢個妝焦點在於眼部，平時好少機會試嘅金色眼妝，可以帶俾人華麗、時尚嘅感覺。想效果低調啲，較容易駕馭，唔需要將眼影塗喺整個眼窩，只需要將金色眼影塗喺眼瞼，再輕輕點塗在眼頭位置，效果自然唔誇張。然後再喺腮線位掃上陰影粉，令妝容更立體，最後配上裸色唇膏突出眼妝。
復古典雅妝
聖誕以紅色做妝容焦點當然最經典啦，酒紅唇色可以令雙唇更豐厚迷人，營造出復古優雅感覺。眼妝方面，可以掃上淡粉色眼影及淡紅色下眼線點綴，雙頰就塗上膚色相近嘅胭脂色調，優美典雅嘅感覺出晒嚟啊~~~
日系甜美妝
如果以上兩款較型格嘅妝容未必啱你心水，咁甜美嘅日系妝容相信會係你杯茶！想做到日系妝容嘅可愛感，重點在於「圓」形線條。將眼影重點集中掃喺黑眼球上方，可以令眼型更似圓形，唇妝方面可以用唇筆加大上唇厚度，增加圓形感，唇色最好使用帶點亮麗嘅粉色，最後按需要塗上粉色胭脂，可愛感爆燈~~
做好保濕，不脫妝！
醒多個貼士俾大家，唔少明星彩妝師都講，其實經過充分保養後，擁有豐富水份嘅肌膚，唔單止能夠減少後續上粉底嘅用量，仲可以防止過早脫妝嘅情況添。肌美精超滲透3D水潤嫩滑立體面膜，蘊含高濃度透明質酸配方，能夠加強角質層補水及吸收能力，3D cutting仲更加貼面添；而超滋潤保濕滲透面膜，就採用格狀纖維布膜，可以將美容液壓入肌膚底層。兩款面膜將皮膚水份緊緊鎖住，持久保濕，Party當晚玩到幾夜都唔怕脫妝啦！