踏入八月又係Ocamp嘅季節，近開學梗係有唔少迎新活動啦！相信有好多朋友仔係踏出自己comfort zone嘅時候都少不免會有啲怕羞，又驚dead air會尷尬。想留返個好印象俾新認識嘅朋友？ 學左以下5大貼士，包你成為最多friend子嘅freshman！
社交技巧一：眼神的重要性
想留下好印象唔一定要好突出㗎～有時只係一個眼神同一個淡淡嘅微笑就已經足夠！適當嘅眼神接觸俾人一種大方舒服嘅感覺，但千奇唔好閃閃縮縮又或者望實住人唔放喎！只要你表現得自然大方，就自然俾到人好印象。
社交技巧二：黃金開場白
好多人開場白都唔知講咩好，但第一句說話就決定咗對方對你嘅感覺。好多人會揀傾閒計去打開話題，但其實咁樣好快就會dead air㗎啦！準備啲得意嘅開場白去吸引對方嘅注意力啦。唔知傾咩好，搵唔到共同話題？人、背景、興趣呢三個題材就最易入手啦~做足準備，yo人話咁易啦！。
社交技巧三：對方都係主角
同人相處最重要係互相尊重，但點先令人感覺受尊重呢？傾計嘅時候唔好一味得自己講冇人講，表現自己嘅時候都要番意對方嘅感覺。係人都鍾意自己受重視，多啲聆聽，俾對方一種你想了解佢嘅感覺，自自然然對方對你嘅好感就會漸漸上升啦～
社交技巧四：「點解」嘅？
唔想傾計成日dead air？試下用「點解」去延伸你地之間嘅對話啦。你一問我一答，其實個話題好快就完咗。 但如果你問多啲「點解」，人地自然會覺得你對佢講嘅嘢有興趣，更加想繼續傾落去，咁就冇咁易dead air啦～
社交技巧五：做自己
冇人鍾意同雙面人做朋友，所以都無謂勉強自己去迎合其他人。可能你會因為想識多啲fd而去配合人哋，但長遠嚟講都自己辛苦，俾人發現你扮嘢咪仲衰！如果你係一個比較內向嘅人，冇必要為咗識多啲朋友而扮到好外向。大學咩人都有，做返自己，自然會搵到同你志同道合嘅朋友！
如果想俾個好印象啲新朋友，就要記住上面呢五個小貼士啦。除左soft skills之外，個樣都要靚靚咁見人，由內到外都俾個好印象人！肌美精深層美白保濕滲透面膜，幫你補水美白，皮膚滋潤白滑有彈性，個人望落都有朝氣啲、精神啲！自信都多咗，識朋友都冇難度啦！