結婚當日其中一個高潮當然係玩新郎遊戲啦，不過不時都聽到有兄弟團投訴遊戲過份，其實新郎遊戲都係為咗製造氣氛啫，所以應該以唔影響Big Day為前提，好似會影響身體、整污糟禮服嘅遊戲就盡量唔好出現喇，介紹幾個考驗到新郎誠意又有趣嘅遊戲俾大家參考下啦！
1.敷住面膜做掌上壓
成日以為女人做保養好簡單啊？一於等未來老公體驗下老婆每日要做嘅保養功夫啦，兄弟團要一邊做掌上壓一邊敷面膜，過程唔可以俾面膜甩出嚟，唔係要重新做過！要夠貼面，就一定要揀肌美精3D啦!
2.腳力大考驗
幾經擾攘一輪，入到家門梗係要俾兄弟團歇一歇腳啦！準備一盤冰水，再倒入麻雀，新郎同兄弟要輪流夾出冰水內指定麻雀。先唔講兄弟團腳力好唔好，淨係睇佢哋望住冰水嘅膽怯樣已經夠有趣啦。
3.問答環節
問答環節絕對係最經典又有意思嘅遊戲，預先準備關於新郎新娘兩人相識嘅問題，考驗新郎記憶力。然後要搽上唇膏，答啱一題就可以於紙板上用嘴印一個唇印，湊成一個心心先算完成，答錯就要兄弟捱義氣接受香吻喇！
4.象棋大賽
有冇諗過象棋都可以成為玩新郎遊戲？想抱得美人歸，鬥完力當然要鬥智啦，兄弟團對陣姊妹團已經話題十足，棋局三盤兩勝，雙方代表都可以搵Back up出謀獻計。如果兄弟團真係棋藝不佳，姊妹們記得放下水~
5.眼中只有妳
先將新娘、姊妹團嘅五官部份各自影落嚟，如眼、耳、口、鼻各一張，再將佢撈亂，限時兩分鐘之內，兄弟團要喺云云相片中搵出屬於新娘嘅五官，再貼喺畫紙上，睇下新郎有幾了解老婆！
6.剪貼情話
最後一關喇，當然要講下綿綿情話啦，不過唔係就咁講出嚟咁簡單架！預先準備一疊報紙，兄弟團要將想表達嘅說話喺報紙剪貼出嚟。搞笑位在於唔係每隻字粒都可以輕易搵到，到時就要睇兄弟團發揮創意會講啲咩喇。
做個貼心姊妹團
姊妹們「考驗」完兄弟團同新郎，記得要展示返你哋嘅體貼啊，例如準備好卸妝用品同飲品俾佢地抖涼咁，當日氣氛自然更融洽啦！玩完一輪Game俾片肌美精低敏面膜面膜兄弟敷敷涼爽下啦，無添加7大化學成分，無香料、無色素、無礦物油、無矽靈、無防腐劑、無界面活性劑、無酒精，並加入植物保濕精華，就算有敏感肌嘅兄弟都啱用，令兄弟團樂意全日樂意幫手，當然要靠收買人心啦~