踏入2019年，鍾意周圍飛嘅你，數數手指已經去咗幾多個國家或者城市呢？去得多日韓台旅行有啲悶？深受Backpacker喜愛嘅全球知名旅遊指南Lonely Planet公佈咗2019年10大最佳旅遊城市，跟住呢條List 一齊搵靈感啦~~
第10位：摩洛哥 梅克內斯 (Meknès)
梅克內斯位於摩洛哥北部，係四大皇城之一，被納入世界文化遺產，以精緻嘅古城城牆同城門設計而聞名。
第9位：克羅地亞 札德爾 (Zadar)
札德爾同樣係古城，二次世界大戰時曾經幾乎被摧毀，不過依家已經發展蓬勃，大家可以喺到漫步舊城區嘅大理石街道，探索附近酒吧同coffee shop。
第8位：美國 西雅圖 (Seattle)
西雅圖夾雜浪漫同都市氣息，香港依家仲有直航機可以到添！著名景點有太空針塔、口香糖牆、派克市場等。
第7位：塞內加爾 達卡 (Dakar)
想要陽光與海灘，非洲都一樣有架！作為塞內加爾嘅首都，係非洲其中一個最具活力城市之一，仲擁有色彩繽紛嘅市集。
第6位：墨西哥 墨西哥城 (Mexico City)
墨西哥城經歷過西班牙統治，擁有殖民時期遺下嘅建築，有好多博物館、雕像、壁畫，仲可以品嚐到地道墨西哥美食添！
第5位：尼泊爾 加德滿都 (Kathmandu)
加德滿都四面環山，作為尼泊爾首都，擁有濃厚宗教氣息，市內佈滿宗教廟宇佛堂，最啱想體驗宗教遊嘅你！
第4位：美國 邁阿密 (Miami)
美國邁阿密最出名當然係佢嘅海灘同酒吧夜生活啦，不過近年邁阿密亦都成為一個新興嘅設計文化之都，開始座落唔少博物館同藝術學院。晚晚夜浦驚唔夠精神？你仲可以行博物館調劑一下，夜晚再喺酒店敷個Mask差足電，又可以開始去玩Lu！
第3位：塞爾維亞 諾維薩德 (Novi Sad)
諾維薩德係塞爾維亞第二大都市，因為舉辦「Exit音樂節」而成為旅遊熱點，同時被選為2019年歐洲青年之都，市內好多地區都正發展成為新興文化區。
第2位：中國 深圳 (Shenzhen)
深圳相信唔洗多介紹，大家都已經好熟悉喇！除咗食、玩、買平靚正之外，深圳一樣積極發展成為文化區，例如華僑城創意文化園、深圳大學、G&G創意社區等特色景點都成為打卡勝地！
第1位：丹麥 哥本哈根 (Copenhagen)
終於到第一位喇！丹麥嘅哥本哈根曾經被評為最適合居住城市，作為童話作家安徒生嘅故鄉，令城市添上一層夢幻嘅童話色彩，小美人魚像同市政廳旁嘅安徒生雕像都係著名景點，係旅客打卡必去之處！
諗好去邊，就到諗同邊個去喇！無論獨遊定同Friend去，肌美精一樣可以成為你嘅最佳旅伴，令你嘅旅程擁有更多樂趣！肌美精超滋潤保濕滲透面膜含檸檬酸成份，可以柔軟肌膚角質層，增加皮膚吸收力，配合格狀纖維布膜將25ml濃厚超保濕精華壓入肌膚底層，全面鎖水保濕。帶埋佢一路為你嘅旅程差差電打打氣啦！