Keep住fit，keep住敷！運動美肌有奧妙
日日落力做運動都係想身形Fit啲變靚啲啫，如果忽視咗肌膚護理分分鐘得不償失！因為運動前後肌膚都需要特別護理架，教下大家3個護膚小知識啦~
1. 運動前先潔淨毛孔
無論戶外定室內，做運動前第一步係咩？就係卸妝同洗乾淨塊面喇！皮膚上嘅化妝品同油垢唔好好清理，會影響肌膚透氣度，加埋排出嘅汗水就會同油垢混合堵塞毛孔，出現粉刺或者發炎變成暗瘡！
2. 選用無刺激成份嘅護膚品
做完運動後身體同面部肌膚會變得敏感，如果進行戶外活動嘅話更加會有曬紅或者紅腫情況，所以運動後嘅清潔要避免用熱水。另外，選用比較溫和或中性pH值嘅潔膚同護膚產品，含化學成份、香料或者磨沙刺激嘅產品就唔好用啦！
3. 利用肌膚是吸收嘅絕佳時機
最後一個小知識仲可以幫大家改善肌膚質素添！運動刺激皮膚排汗，面部毛孔會變得乾淨並處於微張狀態，所以運動後當晚，洗完面之後，記得記得要敷mask！你會發覺效果會比平時好，精華更容易滲透到肌膚，即時水噹噹。肌美精超滲透3D水潤嫩滑立體面膜仲含有高濃度嘅高低分子透明質酸，30ml精華液充份補充面部肌膚所需嘅水份，幫你錫住個靚樣！